Журналиске келген хаттардың бірінде Шымкент қаласына қатысты сұмдық ақпарат айтылған.

Бұл туралы Caravan.kz медиа порталы хабарлайды.

"Шымкенттің арасында құлдыққа ұстайтын жер бар деп еститінмін бала кезімде. 2-3 рет барып қайтқан екен, әзер қашып шығыпты. Көздерін байлап апарып, аяқ-қолын шынжырда ұстайды екен. Таңнан түнге дейін құрақ көрпешеге отырғызады екен. Жастары да, кемпірлері де құлдықта деп еститінмін. 5 баласы бар біреу қашып алты айдан кейін үйіне жетсе, күйеуі сенбей кіргізбей қойыпты", — делінген желі қолданушысының хатында.

Аяқ астынан жоғалған адамдарға қатысты журналиске тағы бір оқырманы хат жолдаған.

"Астанада таңертең нан алуға кеткен апа да әлі табылмапты. Сіңілімнің көршісі, автобусқа мінген видеосы бар болды. Жыл боп қалды. Қосшыда тұратын көршімнің жездесінің жоғалғанына да 4-5 жыл болды. Балалары әлі күтіп жүр. Ол кісі енді көлік әкеп сатумен айналысқан екен. Жай ғана айналамдағы екі жағдай. Қазақстан бойынша қаншама", — делінген Гүлмира Айтмағанбет есімді желі қолданушысының хатында.