Әлем көз тіккен қысқы Олимпиада ойындарының алауы тұтанып, ашылу салтанаты Бейжіңдегі «Құс ұясы» ұлттық стадионында өтті. Мұндай маңызды шараға мемлекет басшысы Қасым-Жомарт Тоқаев та қатысты.

4-20 ақпанда өтетін Олимпиада ойындары Қытайдың Жаңа жылымен және елдің ұлттық Көктем мерекесімен тұспа-тұс келіп отыр.

Бүгін латвиялық мәнерлеп сырғанаушы Денис Васильевс қысқа бағдарламасын Абайдың «Айттым сәлем қаламқас» атты әнімен бастады. Бұл туралы журналист Руслан Меделбек Facebook парақшасында жазды.

– Латвиялық мәнерлеп сырғанаушы Денис Васильевс (Deniss VASILJEVS) қысқа бағдарламасын Абайдың «Айттым сәлем қаламқас» бастады Бұл – қазақ композиторы Марат Бейсенғалиев пен британиялық Карл Дженкинстің Sarakiz II: Romanza композициясынан үзінді, – деп жазды ол.