Әзірбайжан Қорғаныс министрлігі ресейлік әріптестерінің әскерлерді Фарухтан шығарғаны туралы мәлімдемесін жоққа шығарды. Әзірбайжан әскери күштері бұл елді мекенді басып алуға әрекет етіп жатыр.

Сонымен қатар, Баку Мәскеуден «Таулы Қарабақ» атауын пайдаланбауды өтінді, өйткені мұндай әкімшілік-аумақтық бірлік жоқ.

— Ресей Қорғаныс министрлігінің 26 және 27 наурыздағы мәлімдемесінде «Таулы Қарабақ» терминін қолдану халықаралық қауымдастық, оның ішінде Ресей Федерациясы мойындаған және қабылдаған Әзірбайжан Республикасының аумақтық тұтастығын құрметтемеу болып табылады, — деді Әзірбайжан өкілдері.