Арина Алтухова Индонезияда өткен Әлем кубогында жеңіске жетті. Бұл туралы Мәдениет және спорт министрі мәлімдеді, деп хабарлайды Exclusive.kz.

Алтухова финалда Токио Олимпиадасының алтын медалінің иегері швейцариялық Нина Кристенді жеңді.

– Қуанышты жаңалық Қазақстандық спортшы Индонезияда өткен нысана көздеу жарысында швейцариялық олимпиада чемпионын жеңді. Отандасымыз Арина Алтухова Джакартада (Индонезия) өткен Әлем кубогінің жеңімпазы атанды. Арина 50 метрдегі нысананы шағын калибрлі мылтықтан үш қалыпта ату бойынша қыздар арасындағы «алтын финалда» (golden match) Швейцариядан келген «Токио-2020» Олимпиадасының чемпионы Нина Кристенді ұтты. 19 жастағы алматылық мерген шешуші сайыста бірінші болып қажетті 16 ұпай жинады. Жеке жарыстағы медальдардан бөлек, Ислам Сәтбаев, Матвей Тимофеев және Константин Малинковский бар ерлер құрамасы командалық жарыста күміс жүлде жеңіп алғандарын да атап өткім келеді, – деп жазды министр.