ҚР еңбек сіңірген спортшысы Дәулет Тұрлыхановтың ұлының үстінен қылмыстық іс қозғалды, деп хабарлайды Exclusive.kz.

– Бұл дерек ҚР Қылмыстық кодексінің 293-бабы (Бұзақылық) бойынша сотқа дейінгі тергеп-тексерудің бірыңғай тізіліміне тіркелді. Қылмыстық іс бойынша алғашқы тергеу әрекеттері жүргізіліп, сараптамалар тағайындалды, – деп хабарлады Алматы полиция департаменті.

Алматыда адвокаттар Анна Димитриевич пен Олег Черновты кешкі уақытта соққыға жыққан. Соққыға жыққан азаматтың Дәулет Тұрлыхановтың ұлы екені анықталды.

– Ақпанның 11-не қараған түні Алматыда менің ұлым мен заңгерлердің арасында болған оқиғаға қатысты пікір білдіруді жөн деп таптым. Менің ұлым Нұрасыл кәмелет жасына толған азамат, егер оның кінәсң дәлелденсе оған Қазақстан Республикасының заңдарына сәйкес тиісті шара қолданылады. Сонымен бірге мен ұлымның әрекеті үшін кешірім сұраймын, – деп жазды Тұрлыханов.