Қазақстан Түркияға тағы 100 киіз үй жібереді. Бұл туралы Түркия Республикасының Қазақстандағы Төтенше және Өкілетті Елшісі Уфук Экиджи мәлімдеді, деп хабарлайды Exclusive.kz.

Қазір Кахраманмараш қаласында Қазақстан мен Қырғызстаннан келген киіз үйлер тігіліп жатыр.

– Сондай-ақ, Алматыдан 100-ге жуық киіз үй жөнелту жұмыстары ұйымдастырылып жатыр. Бұл біздің елшілік арқылы өтетін киіз үйлер. Адамдар өз бетінше жіберетін басқа киіз үйлер де болуы мүмкін, – деді Экиджи.

Айта кетейік, кеше Уфук Экиджи Қазақстан халқы мен Үкіметіне қиын сәтте бірінші болып көмек қолын созғаны үшін алғыс айтты.