Darkhan Juzz лақап атымен танымал қазақстандық әнші Дархан Жүнісбеков 31 жасында көз жұмды. Ақпаратты ozen лейблі растады, деп хабарлайды Exclusive.kz.

Әншінің қазасы туралы ҚР Мемлекеттік кеңесшісі Ерлан Қарин жазба жариялады.

– Қаралы хабарды естігенде төбемізден жай түскендей болдық. Дарынды әнші Darkhan Juzz өмірден өтіпті. Дархан қазіргі заманғы қазақ музыкасының жарқын өкілі еді. Жарқырап жанып келе жатқан жұлдыздың мезгілсіз ағып түскені қабырғамызды қайыстырады. Еліне бергенінен берері көп, қазақ музыкасын дамытуға үлкен үлес қосқан азамат болатын. Амал нешік, ажал оны арамыздан ерте алып кетті. Алдың жарық, топырағың торқа болсын, Дархан! Сенің жарқын бейнең өнеріңді қадірлейтін жұрттың жүрегінде мәңгі сақталады, – деп жазды Қарин.