Бұрынғы Мәдениет және спорт министрі Дәурен Абаев жаңа қызметке тағайындалды, деп хабарлайды Exclusive.kz.

Дәурен Абаев ТМД Бас хатшысының орынбасары болып тағайындалды. Ақпаратты ҚР Сыртқы істер министрлігі растады.

– Абаев ТМД Бас хатшысының орынбасары болып тағайындалады. Минскіге 7 наурызда ұшады, – деді ҚР СІМ ресми өкілі Айбек Смадияров.

Дәурен Абаев 1979 жылы 18 сәуірде Алматы облысында дүниеге келген.

Еске салайық, 4 қаңтар күні мемлекет басшысының Жарлығымен Дәурен Абаев Қазақстан Республикасының Мәдениет және спорт министрі лауазымынан босатылды.