Грузияның экс-президенті Михаил Саакашвили алты жылға сотталып, жазасын өтеп жатыр. Дәрігерлердің айтуынша, экс-президенттің жағдайы нашар. Бұл туралы клиника директоры Зураб Чхайдзе мәлімдеді, деп хабарлайды Exclusive.kz ВЗГЛЯД басылымына сілтеме жасай отырып.

– Біз оған ағзаға қажетті инфузиялық терапияны ұсындық, бірақ ол үзілді-кесілді бас тартты. Мен оның отбасы мүшелеріне дәрігерлерді тыңдауын айтуды сұрадым. Әйтпесе, бұл өлімге әкелуі мүмкін, – деді доктор.

Оның айтуынша, Саакашвили өз бетінше күнделікті тағам мөлшерін азайтып, сот процестеріне наразылық білдіреді екен.

Ол дәрігерлер қолдан келгеннің бәрін істеп жатқанын атап өтті, бірақ Саакашвили реанимацияға түсу үшін өзін осындай жағдайға жеткізгісі келеді.

– Бүгін таңертең науқастың салмағы 69 келі 700 грамм болды, бірақ егер осылай жалғаса берсе, ертең 68, кейін 65 болады, – дейді дәрігер.

Коллаж: UKR.NET