«Барыс» хоккейшісі Дмитрий Шевченко Қазақстан азаматтығынан айырылды.

Жазда «Барыс» басшылығының отставкаға кетуін сұраған жанкүйерлердің бастамашыл тобы елорданың көші-қон қызметіне Дмитрий Шевченконың қос азаматтығын тексеруді сұрады. Олар дәлел келтірген.

– Тексеру барысында Қазақстан азаматы Дмитрий Шевченконың шет мемлекеттің (Ресей Федерациясының) азаматтығына ие екендігі анықталды. «Қазақстан Республикасының азаматтығы туралы» ҚР Заңының 21-бабының 5-тармағына сәйкес 2022 жылғы 6 желтоқсанда Дмитрий Эдуардович Шевченкоға Қазақстан Республикасының азаматтығынан айырылды, – деп жазылған хабарламада.

Хоккейші Қазақстан Республикасының азаматтығы болмаған жағдайда Қазақстан құрамасының атынан халықаралық турнирлерге қатыса алмайды.