Адвокат Дмитрий Куряченко Павлодар облысының бұрынғы полиция бастығы Нұрлан Мәсімовтің соты туралы пікір білдірді.

Мәсімовтің қорғаушысы сотта істі тоқтату туралы, істі прокурорға қайтару туралы, бұлтартпау шарасын кепілге немесе үйқамаққа өзгерту туралы бірнеше өтінішхат берді.

Павлодар облысының қылмыстық істер жөніндегі мамандандырылған ауданаралық сотының хабарлауынша, Нұрлан Мәсімов пен оның орынбасары Дамир Сиразидимовтың ісі прокурорға қайтарылған.

Іс бойынша үш сотталушы бар. Мәсімов өз ісін алқабилер қарауына келісті, — деді Куряченко.

Айта кетейік, Павлодар облысының қылмыстық істер жөніндегі мамандандырылған ауданаралық сотында Нұрлан Мәсімовтің ісі қаралып жатыр.

Мәсімов пен Сиразидимов аса ауыр санаттағы қылмыс жасады деген айып арқалаған.

Нұрлан Мәсімов — Ұлттық қауіпсіздік комитетінің бұрынғы төрағасы Кәрім Мәсімовтің немере інісі.