Қазақстан құрамасы қысқы Универсиададағы алғашқы ойынын өткізді. Оңтүстік Корея құрамасына қарсы ойында біздің хоккейшілер 5-1 есебімен жеңіске жетті, деп хабарлайды Exclusive.kz.

Қазақстан құрамасының сапында Алдияр Нұрлан, Максим Мусоров, Кирилл Полозов және Максим Мұхаметов шайба салды. Хоккей құрамасындағы спортшылар Қазақ спорт және туризм академиясының студенттері. Қазақстандықтар В тобында өнер көрсетіп, Ұлыбритания, Венгрия, Словакия және АҚШ командаларына қарсы ойнайды.

Қысқы Универсиадада 78 спортшы спорттың 10 түрі бойынша Қазақстанның намысын қорғайды: биатлон, хоккей (ерлер), шорт-трек, мәнерлеп сырғанау, шаңғы жарысы, шаңғы қоссайысы, трамплиннен секіру, конькимен, сноуборд, тау шаңғысы спорты.

XXI Дүниежүзілік Қысқы Универсиада 12-22 қаңтар аралығында Американың Лейк-Плэсид қаласында өтеді. Қазақстандық спортшыларға ғылым және жоғары білім министрі Саясат Нұрбек сәттілік тіледі.