Қазақстанда пиязға деген сұраныс айтарлықтай өсті. Күн суытуына байланысты Өзбекстанда, Пәкістанда және Ресейде пиязға сұраныс артып, бағасы өскен. Бұл туралы Премьер-Министрдің орынбасары – Қаржы министрі Серік Жұманғарин мәлімдеді, деп хабарлайды Exclusive.kz.

– Біздің елде де пияз бағасы 170 теңгеге дейін өсті. Әрине, біз қазір елде бізде бар өнімнің тапшылығына жол бермейміз. Сондықтан сыртқы сауда қызметі мәселелері жөніндегі ведомствоаралық комиссия үш айға пияз экспортына тыйым салу туралы шешім қабылдады. Бізге айына 30 мың тонна пияз қажет. Үш айда 90 мың тонна, – деді Жұманғарин.

Жұманғариннің айтуынша, пияз Қазақстаннан контрабандамен шығарылады. Қазір шекара қызметтері мен Мемлекеттік кірістер комитеті жағдайды бақылауға алған.